La Usc di Ladins

Dotours
Dutor Gherdëina
L dutor de servisc dala 08:00 de n sada ai 29.08. nchin la 08:00 daduman de n lunesc ai 31.08. ie l dutor Pablo Poli­castro tl ambulatuere di duto­res Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema di 29 y 30 d’agost él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur An­tonio Caretta, Corvara, tel. 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 28.08. nchin n vënderdi ai 04.09. ie chëla de Urtijëi, tel. 0471/796125 (orar de giaurida 9:00-12:00/15:00-19:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 28 d’agost dales 19:00 al vëndres ai 4 de setëm­ber ales 19:00, é chëra da San Martin/Picolin, tel. 0474 523 020.

Religion
23.08.
Badia: festa por le degan nü
En domënia ai 30 d’agost él le Vësco Ivo Muser che ti surandá a siur Klaus Sottsas les inciaries nöies da ploan de dötes les ploanies, da degan dla Val Badia y surastant dla Unité Pastorala. La festa mët man dales 10:00 sön plaza dla scora de Badia. Deboriada ván spo en prozesciun te dlijia. Do mëssa él la poscibilité da incunté y saludé le vësco y le degan y da sté adöm pro val’ da bocolé.

Sport
30.08/03.09.
Partides di Falcons
Domenia ai 30 de aost da les 17:00 tel stadie de la giacia de Dèlba l é na partida de hockey da peconc di Fascia Falcons contra l HC Asiago. En jebia ai 3 de setember da les 20:30 i jia contra l HC Pinè A.s.d.
02.09.
Juesc dl HC Gherdëina
L HC Gherdëina se njenia ca per la proscima sajon. N chësta ucajion fajerài plu partides tl stadium Pranives te Sëlva: la proscima sarà ai 2 de setëmber dala 20:30 contra l HCB Süd­tirol Alperia.

Iadi y Jites
01.09.
Jita a Villgraten tl Osttirol
La KFB de Santa Cristina furnea chëst ann tla valeda de Villgraten tl Osttirol. Do na mëssa tla dlieja de pele­grinaje Maria Schnee jiràn a marënda te ustaria. Dopro puderàn jì a ti cialé a na firma che lëura la lana de biescia. N muev dala 7:30 dal Dosses, ma n puderà senté su damprò ora sce n se l damanda. L priesc ie de 72€ per la curiera y la marënda (zënza buandes). N possa se lascé scrì su tla Cassa Raiffeisen de S. Cri­stina. Per nfurmazions: tel. 339 6783073
12.09.
Viac culturel tla val Venuesta
L Kvw de Urtijëi/Runcadic nviëia ite duc i cumëmbri a na jita tla val Venuesta. N sada ai 12 de setëmber fur­neràn a Laas a ti cialé ala caves dl marmor. Do na bona marënda jiràn mo a Plaus a ti cialé ala dlieja de santa Monica y al Plauser Totentanz. N muev dala 6:30 da Plaza de Sant Antone demez. Per jì pea iel da paië 50€. Tl priesc iel laite la curiera, la vijites y la marënda. N possa se nuté su nchin ai 9 de setëmber tla butëiga La Flaura.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­vent­singen« y a ti cialé ala »Salzwelten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nteressei.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
01.09.
Cult – la filodramatica de Anpezo
Dales 20:50 ca. Test y conzet Giulia Tasser, produziun Kar­bonvideo, a cura de Ales­sandro Dapunt.
02.09.
Natura e ambient – fotogra­fes fascegn ala foresta
Dales 20:50 ca. Test y conzet Nicole Demartin, produziun Pinter­film, a cura de Ales­sandro Dapunt.
03.09.
Scenar – ert y cultura tla Ladinia
Dales 20:50 ca. Test y conzet Silvia Murer, produziun Kar­bonvideo, a cura de Leo Se­noner.

Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
28.08.
Deberieda: crië l calënder dl aniverser cun Johanna Kostner
N se anconta n vënderdi ai 28 de agost dala 14:00 dan la Cësa de Paussa. La grupa Deberieda ie na grupa cun ulen­teres, per se ancunté dan­ter persones che à problems psichics o de sozialisazion.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Temp Lede
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò da­viert uni mierculdi dala 15:00 nchin la 19:00.
30.08.
Stefano Ragazzo a Poza
En domenia ai 30 de aost da les 21:15 te piaz de Comun de Poza o te sala de Consei de Comun, per la rassegna ‘Ad alta voce’ con Virna Piero­bon, l é na scontrèda con Ste­fano Ragazzo che rejona de ‘Riders on the storm’.
28.08.
Sparkling Summer Night a Urtijëi
Pervia dl bur tëmp l ultimo vënderdi ie la Sparkling Sum­mer Nights unida spusteda a chësc vënderdi, 28 de agost. Dala 21:00 inant puderàn se la lascé jì bona tl raion da jì a pe de Urtijëi: i locai dajerà ora da bever y l sarà de bela mujiga.
30.08.
Contrada y mit: le tëmp dorm tla pera
En domënia ai 30 d’agost dales 11:00 él sö dal Lech Vërt sön Fanes na manifesta­ziun particolara, che condüj ite tl rëgn de Fanes, danter contrada y mit. Ala pert él la prof. Ulrike Kindl y la mani­festaziun vëgn acompagnada dal duo »Gota Music«. Sce al ess da plovëi, vëgn la manife­staziun desdita.
30.08
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí en domënia ai 30 d’agost jüc, animaziun y devertimënt por mituns da 5 a 10 agn, dales 13:30 inant. Prenotaziuns ti ofizi turistics dl’Alta Badia.
30.08.
Festa di paures
Te Prà da Ri te Val vëniel me­tù a jì la festa di paures ai 30 de agost dala 10:00 inant, cun de bela mujiga, velch de bon da maië y da bever. Sce l ëssa da vester bur’ tëmp unirà la festa spënta ai 6 de setëmber.
01.09.
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): n merdi ai 1. de setëmber dala 14:30 nchin la 18:00. Priesc: 15,00–20,00€. Duc ie nviei de cuer.
02.09.
Al Plan: laboratore de Daksy
Vigni mercui dales dales 10:00 ales 11:30 él te Ciasa dl parch a Al Plan le »Laboratore natöra de Daksy«, por mitans y mi­tuns da 6 a 12 agn. Ai 2 de setëmber nen jarára dl tema »Nüsc compagns cun les ares – frabicun na ciasa por vicí«. Al é debann, mo da s’anunzié anter le mertesc al 0474 506 120 o ala mail info.fsp@provinz.bz.it – posć limitá.
02.09.
Nos Ladins cun Freddy
Tres l’iniziativa »Nos Ladins« pón descurí la vita y val’mistier dla jënt dla valada. En mertesc ai 2 de setëmber pón passé n danmisdé cun le fotograf Freddy Planinschek a La Ila, y imparé valch sön le monn dla fotografia. Infos y preno­ta­ziuns pro i ofizi turistics dl’Alta Badia.
04.09.
Fascia e i fumec
Tel chèder de la rassegna ‘Cianacei Campo Base’ vender 4 de setember da les 17:30 te piaz Marconi l é na scontrèda con i fumetisć Manuel Riz, Lucia Biagi, Enrico Macchia­vello e l editor Riccardo Zanini che rejona de ‘Pirol’ l projet sostegnù da l’ApT de Fascia.
05.09.
Incuntada sön l’Urt da Ras
Le Consëi de Formaziun d’Al Plan, deboriada cun Zicuta Lab, mët a jí na incuntada cun Georg Trebo che manajëia l’Urt da Ras – verzöra d’Al Plan. Tratan la incuntada él Georg che se mostra tecniches y momënc ideai por chëie, mëte ia y conservé i früc de nosc urt y val’ laurs por l’al­tonn. An s’incunta a Al Plan, sön la gran plaza dai auti a Ras, en sabeda ai 5 de setëm­ber dales 10:00 ales 12:00. Posć limitá, prenotaziun cun messaje sön WhatsApp al 347 8782033.

Mostres y Ert
Atualmënter
Mostra »con.tain #4«
L Circolo – Lia Mostra d’Ert nvieia de cuer ala mostra con.tain #4. La giaurida ie ai 21 de agost dala 20:00. Artisć che mët ora: Alan Biehlig, Clara Pötsch, Nele Hendrikje Sandner, Katharina Schreiter y Teresa Szepes. La mostra resterà da udëi nchin ai 13 de setëmber, ti orars de giau­rida: merdi – dumënia, 16:00 – 19:00 y de sada y dumënia nce danmesdì, dala 10:00–12:00.
Atualmënter
Mostra tla »StallArt«
Sal luech de Pecëi a Urtijëi iel da udëi la mostra di artisć Astrid Gamper, Gerald Moro­der, Armint Grunt y Christian Stl.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
Mostra: Mumënc tla Dolomites
La mostra de fotografies de Gabriel Demetz tla biblioteca Tresl Gruber a S. Cristina resterà da udëi nchin ai 31 de agost ntan i orars de giaurida dla biblioteca.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Mo­retti y »Gli eredi della solitu­dine« de Alessandro Twombly, che sarà davierta nchin ai 12.09.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nsta­lazions d’ert dla Bienela Gherdëina. Plu nfurmazions sot a www.biennalegherdeina.org
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scultu­res maestouses per dut istà tel zenter storich de Soave (VR), che con la mostra »Guar­­diani della storia« do­venta n museo a ciel avert. Sieff met fora sia operes ence te la esposizion »Frauen/Donne« per endrez del Kultur­verein K.art che restarà fora ti vidores de Lana fin ai 8 de november.
Atualmënter
»Varieté« de Guido Tavella
Tl salf dles manifestaziuns da La Val él ciamó da odëi cina ai 29 d’agost la mostra »Varieté« cun operes de Guido Tavella. La mostra é daverta vigni de dales 16:00 ales 19:00.
Atualmënter
Mostra »Grafika« tla galaria Raiffeisen a Bornech
Tla galaria Raiffeisen a Bor­nech, él da odëi cina ai 2 d’oto­­ber la mostra »Grafika«, cun laurs de Christian Piffra­der, Elisa Alberti, Emily Ober­schmied, Gino Alberti, Karl Egger, Karl Theo Stam­mer, Kuno Mayr, Linda Wolfs­gruber, Lois Anvidal­farei, Mar­kus Moling, Roberto Palle­­strong y Thomas Walder. Orars: lönesc cina mercui 8:00 – 12:30 y 14:30 – 16:30; jöbia 8:00 – 12:30 y 17:00 – 18:30; vëndres 8:00 – 12:30.
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.
28.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 28 de agost dala 19:00 inant.

Chino
Atualmenter
Al chino de Cianacei
Anché, vender 28 da les 21:00 l é l film »The sea«, sabeda 29 da les 21:00 e domenia 30 da les 18:00 l é »Oceania«. Info: @cinema teatromarmo lada­canazei.
Atualmenter
Al chino de Pardac
Insnet, vender 28 de aost da les 21:00 l é »Minions & Mon­sters«, sabeda 29 e domenia 30 da les 17:00 l é »Oceania e da les 21:00 »Robin Hood e il prezzo del sangue«. Info: www.cinemapredazzo.it
Atualmenter
Al chino de Tieser
Anché vender 28 h. 17:00 l é »Odissea« e h. 21:15 »One night only«, sabeda 29 h. 21:00 »Odissea«, domenia 30 h. 17:00 »Oceania« e 21:15 »The dog stars«, lunesc 31 h. 17:00 »Spider-man, brand new day« e 21:15 »The dog stars«, jebia 3 h. 17:00 e 21:15 »Oceania«, vender 4 h 17:15 »Coyote vs Acme« e 20:30 »Odissea«. Info: www.cinematesero.com

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun so­ziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön pre­notaziun. Contac: 0474 410 303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Contac: 0474 555848, 340 1896431 o info@mip-puster tal.it
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
28.08.
Spetacol de Istà Algegra
Vender 28 de aost da les 20:45 te teater de Navalge a Moena i bec e i animatores de Istà Al­gegra porta dant l spetacol finèl.
30.08.
La Bigband te piaz de Sotegrava
Domenia 30 de aost da les 18:00 te piaz de Sotegrava a Mo­ena, per la rassegna Pano­rama Music, l é l conzert de la Bigband del Sudtirol, for­mazion metuda su e direta da la musizista Helga Planken­steiner. Se l é catitemp da les 21:30 a La Grenz.
02.09.
Cianta Ciancoai
Mercol ai 2 de setember con scomenz da les 21:15 te chi Cian­coai anter Poza e Pera se pel scutèr musega e se ma­gnèr zeche da bon.
03.09.
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blio­teca »Anda Malia da Cudan« tla Cësa di Ladins a Urtijëi. Unide nce Vo!
03.09.
Udienza cun la defensëura zivica
La defensëura zivica (Volks­anwältin) sarà a Urtijëi ai 3 de setëmber tla Cësa de Che­mun dala 14:00 nchin la 17:00. Per na udienza muessen se prenoté cherdan su l 0471 946020.
03.09.
San Martin: udiënza dla defensuria popolara
La defensuria popolara o so sostitut tëgn udiënza a San Martin de Tor, tl salf di stöda­füch, en vëndres ai 3 de setëm­ber dales 14:00 ales 17:00. Por prenotaziuns cherdé sö le 0471 946020. La ultima udiënza dl 2026 é spo ai 6 de novëmber.
04.09.
I Sons de la Dolomites sun Lujia
Vender 4 de setember da les 12:00 ló da Mèlga Cianvere sun Lujia, per la rassegna de I Sons de la Dolomites, l é l con­zert di Quinn Christo­pherson Trio.

Mujiga
Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val.
28.08.
Conzerc del Cor Enrosadira
Insnet, vender 28 de aost da les 21:00 ló da la gejia de Sènt Antone a Dèlba l é l conzert del Cor Enrosadira, vidà da la maestra Barbara Pedrotti.
28.08.
Musega baroca te gejia de Sèn Vile
Vender 28 de aost da les 21:00 te gejia de Sèn Vile a Moena, tel chèder di evenc de ‘Moena Incontri’ l é l conzert ‘L’in­canto della notte’ con n en­sem­ble strumental baroch.
28.08.
Conzert dla Musiga d’Al Plan
La Musiga d’Al Plan tëgn conzert incö vëndres ai 28 d’agost dales 21:00, sön paiun d’Al Plan.
28/31.08.
Conzerc del Cor Valfassa
Vender 28 de aost da les 21:15 te pavion de la manifestazions de Poza cianta l Cor Valfassa vidà dal maester Stefano Lazzer. L cianta ence lunesc 31 da les 21:00 te sala Simonin Maza de la scoles de Moena.
30.08.
Matinée cun la grupa »Cordes y butons«
N dumënia ai 30 de agost vëniel metù a ji na matinée cun la grupa »Cordes y bu­tons«, dala 11:00 nchin la 12:30 pra la dlieja da Sacun/Urtijëi.
30.08.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 30 d’agost dales 13:30 inant sona pro la ütia »Las Vegas« a San Ciascian le trio di corgn da munt.
31.08.
Conzert Musega de Moena
Lunesc 31 de aost da les 21:00 te piaz tedant l ofize di foresć a Vich l é l conzert de la Banda de Moena sot la bacheta del maester Roberto Silvagni.
31.08.
Conzert Musega de Poza
Lunesc 31 de aost da les 21:00 tel parch dai jeghes de Cia­nacei l é l conzert de la Musega de Poza vidèda dal maester Giancarlo Dorich.
31.08.
Bai dla Grupa Bal populer
I balarins y la balarines dla Grupa Bal Populer de Urtijëi balerà ai 31 de agost dala 21:00 inant tl zënter de Urtijëi.
02.09.
Cunzert dla Mujiga de S. Cristina
La Mujiga de S. Cristina sun­erà ai 2 de setëmber dala 20:30 inant tl zënter Iman a S. Cri­stina.
03.09.
Cunzert dla Mujiga de Sëlva
La Mujiga de Sëlva sunerà ai 3 de setëmber dala 21:00 inant sun plaza de Chemun te Sëlva.
03.09.
Cunzert dla Mujiga de Urtijëi
La Mujiga de Urtijëi sarà da audì sun plaza San Durich a Urtijëi ai 3 de setëmber dala 21:00. Sce l ëssa da pluëi, unirà l cunzert spustà tla gran sala dla Cësa di Cungresc.
04.09.
Conzert dla Musiga da La Pli
La Musiga da La Pli tëgn conzert en vëndres ai 4 de setëmber dales 21:00, sön paiun d’Al Plan.
04.09
Conzert de la Musega Auta Fascia
Vender 4 de setember da les 21:00 te piaz de Dèlba l é l conzert de la Musega Auta Fa­scia sot la bacheta del ma­ester Fabio Riz. Dantfora de­­filèda fora per paisc.

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé a balé chësta sort de bal. N se anconta uni mier­culdi dala 19:30 tla palestra dlongia la sënta di Destuda­fuech a Runcadic. Dai 16 de setëmber inant scumëncia nce l curs per mutans y mutons dai 7 ani insù, recunesciù coche materia de nseniamënt facultativa dala scola elemen­tera de Urtijëi.
19.09.
San Martin: curs da cujiné
La Uniun dles Patrones da San Martin y le Consëi de for­­­ma­ziun da San Martin or­ganisëia n curs da cujiné cun Valentina Moling, sot al titul »Kochen trotz Alltags­stress«. Le curs é en sabeda ai 19 de setëmber dales 9:00 ales 13:00 tla ciasadafüch dla refeziun a San Martin. Iscri­ziuns anter i 11 de setëmber pro Gaby al 389 0834252.

Leteratura
29.08.
Domesdì Leterer
La Union di Ladins de Gher­dëina mët a jì n domesdì le­terer tl verzon dla Cësa di La­dins a Urtijëi, n sada ai 29 de agost dala 17:00 inant. Au­tëures: Nicoletta Riz, Silvia Liotto, Marco Dibona, Sa­muel Debon, Rut Bernardi. Muderazion: Nadia Rungger.