La Usc di Ladins

Dotours
Dutor Gherdëina
L dutor de servisc dala 08:00 de n sada ai 17.10. nchin la 08:00 daduman de n lunesc ai 19.10. ie l dutor Simon Ko­stner de Sëlva, tel. 347 229 7492.
Doturs Val Badia 
Tla fin dl’edema di 17 y 18 de otober, sarál en sorvisc ti cin’ comuns dla Val Badia le dotur Guido Caretta, Cal­fosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 16.10. nchin n vënderdi ai 23.10. ie chëla de Fie, tel. 0471/725373 (orar: 8:30-12:30/15:00-19:00, sada 8:30-12:30, stlut mierculdi domesdì. Turnus: sa. 8:30-12:30/16:00-19:00, du. 10:00-12:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 16 d’otober dales 19:00 al vëndres ai 23 d’otober ales 19:00, é chëra da La Ila, tel. 0471 847152.

Temp Lede
Atualmënter
Culinarium Urtijëi
Na esperienza culinaria y ga­­stronomica particulera uni­ràl a s’l dé te de plu restau­­ranc de Urtijëi, nchin ai 11 de uto­ber. La strutures che fej pea ie: Restaurant Gen­ziana, Costa­mula Restaurant, Stua Catores, Anna Stuben, Ustaria Da Checco, Restau­rant Mont Sëuc, Restaurant Tubladel, 4 Sajons Restaurant, Stube Vives, Ustaria Traube, Café Re­staurant Val d‘Anna, Re­staurant Pizzeria Lamm y Zicoria Brasserie.
Atualmënter
Ativiteies dla Grupa di seniores S. Cristina
La proscima manifestazions dla Grupa di seniores S. Cri­stina: n mierculdi ai 21 de uto­ber dala 14:30 saràl n tur­noi de batadù cun de biei pesć y pitla marënda tl self dla Cassa Raiffeisen a S. Cristina. N juebia ai 22 de utober saràl na blota ancunteda tla biblio­teca Tresl Gruber dala 8:30.
16.10.
Inaugurazion del Bait de la eves
L Istitut Cultural Ladin an­ché, vender ai 16 de otober da les 16:00 a Sèn Jan, prejenta l restaure del Bait de la eves con la prejentazion di lurieres e n moment de confront per regoer stories e testimonianzes sul arlevament de la eves.
17.10.
Prejentazion de la neva bandiera di Studafech de Cianacei
En sabeda ai 17 de otober ve­gnarà prejentà e benedì la neva bandiera di Studafech de Cianacei, dessegnèda da Claus Soraperra. Vegnarà dit messa te gejia del Sacro Cher de Gejù da les 17:00 e dapodò en defilèda se jirà te Chino Marmolèda olache la vegnarà portèda dant.
17.10.
Simposie Top Wine
Sabeda 17 de otober ló dal Re­fuge Maria sun Sas Pordoi l é l Simposie Top Wine 2950 da les 10:00 a les 17:00 endrezà da la SITC con degustazions de vins e magnères.
17. y 18.10.
La Val: marcé dl barat
La Cooperativa de comunité »Pares« da La Val mët a jí n marcé dl barat, te salf dles ma­nifestaziuns a La Val. Le marcé é la sabeda ai 17.10. dales 9:00 ales 17:00 y la do­mënia ai 18 dales 9:00 ales 15:00. Por plü informaziuns sön la poscibilité da vëne o baraté, chërdé sö Kathrin al 349 3507357.
20.10.
Storia y pastelné
Tla biblioteca de San Durich a Urtijëi uniràl cuntà na storia y daldò pastelnà, n merdi ai 20 de utober dala 17:00 nchin la 18:00. Referëntes: Erna y Erika. L ie adatà per mutans y mutons dla scolina y dla scola elementera.
23.10.
Domesdì de juesc cun ava y nëine
La biblioteca Tresl Gruber de S. Cristina, deberieda cun la lia Trix mët a jì n domesdì de juesc cun aves y nëinesc, n vënderdi ai 23 de utober dala 15:00 nchin la 17:00 te biblioteca. L ie adatà per mu­tons:ans dai 5 ani insù.
24.10.
Turnoi de Batadù da 64
La grupa di artejans n pension dl LVH mët a jì n batadù da 64 tl self de Chemun a S. Cri­­stina, n sada ai 24 de uto­ber dala 14:00 inant. N possa se scrì ite l medemo di dala 13:00 inant.

Teater
Atualmënter
»Dinner für Spinner« te Sëlva 
La Lia dl Teater de Sëlva nvi­eia a unì a ti cialé al pez da rì per tudësch tla Cësa de Cul­tu­ra te Sëlva. La reprejenta­zions sarà ncuei, vënderdi ai 16.10. dala 20:30, n dumënia ai 18.10. dala 17:00 y inò dala 20:30 n mierculdi ai 21 y n sada ai 24 de utober. Chertes danora: Lia dl Turism de Sël­va, 0471777900, o direta­mën­ter pra la cassa dan l teater.

Religion
Atualmënter
Veles dl Cunsëi de Pluania
L ie tosc veles per l cunsëi de pluania. La pluania de Urtiëi nvieia duc chëi che ëssa nteres, a chëi che ti sta a cuer nosc crëi­dum y nosta pluania a se mëter a despusizion per l cun­sëi. L basta cherdé su l numer 371 4753670.
16.10.
La mort tla ert
Tla cornisc dla Edema dla Fede, é düc inviá al referat »La morte e poi...?« cun l’esper­ta d’ert Danila Serafini. La sëra é incö vëndres ai 16 d’oto­ber dales 20:00, tl salf dla Raiffeisen a La Ila.
17.10.
Scolars y jonëza s’incunta
Tla Cornisc dla Edema dla Fede tla Val Badia, vëgnel metü a jí indo­man sabeda ai 17 d’otober n domisdé olache scolars y jo­nëza s’incunta – sot al titul »give hope – porta inant spe­ranza«. L’apuntamënt é dales 16:00 ales 21:00 tl Saj.un a La Ila.

Leteratura
21.10.
Letura ora dl liber »Der Untergang des Hauses Usher«
Tla biblioteca Tresl Gru­ber a S. Cristina lijerà Lukas Spis­ser ora dl liber »Der Unter­­gang des Hauses Usher«, n drama familiar de Edgar Allan Poe. La letura ie ai 21 de utober dala 20:00.
22.10.
La ntraunides ntan l ann 1882 a S. Cristina
Tla biblioteca Tresl Gruber a S. Cristina uniràl liet ora de n vedl scrit che documentea chël che ie suzedù l ann 1882, n juebia ai 22.10. dala 8:30.

Televijion
Atualmënter
Tg Ladin
Uni merdi dala 19:30 sun Alto Adige Tv, cun repliches uni sada dala 18:15 sun Tren­tino TV y uni dumënia dala 18:30 sun Alto Adige Tv.
20.10.
Eie e spieie
Dales 20:50 ca. Test y conzet Cinzia Pistoia, produziun Pen­npro, a cura de Alessandro Dapunt.
21.10.
Trail Spezial
Dales 20:50 ca. A cura dla redaziun ladina.
22.10.
Deboriada
Dales 20:50 ca. Test conzet So­fia Stuflesser, produziun Penn, a cura de Leo Senoner.

Radio
16.10.
Martino Fedele ie unì cun si gran pastrëc tla Dolomites
Trasmiscion de Monika Kel­der.
18.10.
Home-Exchance: n’esperienza garateda tres l barat de si cësa
Trasmiscion de Valeria Ber­nardi.

Chino
Atualmenter
Al chino de Cianacei
Mercol ai 21 de otober da les 20:00 l é »Giokino« jeghes da desch en compagnia di joegn de DaDoi, vender ai 23 da les 18:00 l é n event de ‘Kino vel star ben’, esperienzes e cerces de benesser.
Atualmenter
Al chino de Pardac
Doman, sabeda 17 de otober da les 21:00 l é »Verity«, dome­nia 18 da les 17:00 l é »L’isola dei ricordi« e da les 21:00 l é »Verity«, mèrtesc ai 20 da les 21:00 l é »Bambini di frontiera« en colaborazion col Muse e domenia ai 25 da les 17:00 l é »L’isola dei ricordi« e da les 21:00 l é »La bambola«.
Atualmenter
Al chino de Tieser
En jebia ai 22 de otober da les 21:00 al chino de Tieser, per la rassegna ‘Il piacere del cinema’, vegn moscià »The invite, il piacere è tutto nostro« con la regia de Olivia Wilde.

Mostres y Ert
Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del ar­tist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les19:00 e de sabeda ti oraries 10:00-13:00 e 15:00-18:00.
Atualmenter
En recort de Daniel Zen
La clasc 5 LAF de la Scola La­dina, con i ensegnanc Ti­ziano Deflorian e Stefania Pederiva, à endrezà na mo­stra dal titol »Dal Spirituèl al Ma­terièl« en recort de Daniel Zen. La mostra resta fora tel li­ceo artistich fin ai 24 de oto­ber.
Atualmenter
Mostra su la geologia
La Fondazion Dolomites Unesco, en colaborazion con la Scola Ladina, à endrezà la mostra »Dolomiti: in cammino nella geologia della meraviglia« da poder veder te l’aula mo­stres del Liceo artistich a Sèn Jan fin ai 27 de november dal lunesc al vender da les 8:30 a les 17:30, prenotazions a la mail thomas.zulian@scuole.provincia.tn.it.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cugresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953).
Atualmënter
Mostra dl Portal Ladin
Tla biblioteca ladina »Anda Malia da Cudan« tla Cësa di Ladins a Urtijëi iel metù ora nchin ai 17 de utober na mo­stra dl Portal Ladin. Orares de giaurida: dal lunesc al vënderdi dala 9-12 y dala 15-18, ai 13.10. domesdì dala 15-18 y dai 14.10. nchin ai 17.10. danmesdì dala 9-12.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de di­ficolté. L’ofize é tla str. Dan­te 2m a Bornech (Sternhof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Atualmenter
Burraco te biblioteca
L Assessorat a la cultura del Comun de Sèn Jan, en colabo­razion con la Biblioteca, en­dreza i domesdì de burraco, ogne jebia con scomenz dai 22 de otober, da les 15:00 a les 17:00. Vegn domanà de se scriver ite al nr de telefon 0462 763062.
17.10.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 17 de utober dala 09:00 nchin la 12:30, tla Cësa de Chemun a Santa Cristina. N possa dé ju la roba da vënder l di dant dala 17:00 nchin la 21:00. Chi che ulëssa vënder zeche muessa se desćiarië la lista aposta che n abina sot a https://tinyurl.com/55wruktn y che ie da dé ju dai 12 ai 16 de utober (nchin la 11:00) mandan na mail a info@njg.it
19.10.
Docufilm ‘Patagonia 1976’ a Moena
En lunesc ai 19 de otober da les 20:30 te sala Simonin Maza de la scoles de Moena vegn manà fora l docufilm ‘Pata­gonia 1976’ su la spedizion di Ciamorces e menacrepes de Fascia, che é ponté via belapontin en chel dì jai 50 egn. Do la proiezions testimo­nianzes di protagonisć.
20.10.
Scontrèda su la prevenzion del tumor al piet
L assessorat al sozièl del Co­mun de Sèn Jan endreza na scon­trèda su la prevenzion del tumor al piet, en mèrtesc ai 20 de otober da les 20:00 te sala de Consei de Comun a Poza con dotores de l’ASUIT de Trent, de la Breast Unit e la testimonianza de Letizia Soldà.
23.10.
Dis de nfurmazion: scola per la pesc Gaia
La Scola per la pesc Gaia nvieia a n domesdì de nfurma­zion n con’ de si scolina, ele­mentera y mesana, n vënderdi ai 23 de utober dala 20:00 nchin la 22:00 tl local »Saut« a Urtijëi. Duc i nteressei y dan­taldut genitores de mutans y mutons tl età de scolina y scola nchin tla mesana ie de cuer nviei a scuté su! Per plu nfurmazions: 339 776 96 35.
24.10.
Regoeta de fer e metai
En sabeda ai 24 de otober l Grop miscionarie Freina­de­metz passa ti paijes de Soraga, Vich, Poza e Pera a tor su fer, aluminue, oton, ram, fii de la lum. La roba cogn vegnir metuda jà da doman prest apede strèda che se la veide sorì. Dut chel che vegn tirà ite serf a didèr chi che à più de besegn.
27.10.
Scontrèda te Cèsa de Paussa
Tel chèder de la scontrèdes per la comunanza ‘Stèr apede 2026’ en mèrtesc ai 27 de otober da les 17:00 a les 18:30 te Cèsa de Paussa de Fascia l é l enconter dal titol ‘Semper online, semper più da soi’ con la psicologa Paola Maria Taufer. A la fin n picol maren­del de la Coprativa Oltre.

Mujiga
17.10.
Ciantèr sa mont
En sabeda ai 17 de otober da les 20:30 ló da la gejia neva de Pera l Cor Valfassa endre­za la 21^ rassegna ‘Ciantèr sa mont’ con i corisć de Fascia, l Coro Voci del Cistella de Do­­mo­dossola, l Coro Val­dob­biadene e i picoi ciantores del Cor Valfassa.
23.10.
Na ciantia per Paolo
L Coro Nosc de Soraga, en cola­borazion col Coro Negri­tella e la Corala Sènc Piere e Paul, endreza en vender ai 23 de otober da les 21:00 te gejia de Soraga na sera de benefi­zenza per la neva vita de Paolo: trei cores, n segn de vejinanza.
24.10.
Cunzert y mëssa ladina a Urtijëi
L cor y l’urchestra de dlieja de Urtijëi tenirà n bel cunzert deberieda cun l Chor de Viena Neubau, n sada ai 24 de uto­ber dala 20:30 tla dlieja de San Durich a Urtijëi. L unirà purtà dant l Psalm 42 de Felix Mendelsohn Bartholdy, »Wie der Hirsch schreit« sot ala bacheta de Felicitas Schwei­zer. L orgun sona Theodor Rifesser. I soli cianta: Sopran Priska Malsiner, Tenor I Willy Runggaldier, Tenor II Samuel Runggaldier, Bas I Filip Piccolruaz y Bas II Gebhard Piccolruaz. L Cor de Viena Neu­­bau cianterà sot ala ba­chëta de Martin Guthauer.
25.10. 
Mëssa ladina te Sëlva
Ai 25 de utober dala 9.00 cian­­terà l cor de dlieja de Urtijëi deberieda cun l Chor de Viena Neubau la mëssa ladina »Messa per la Madona de Sëlva«, scrita da Stefan Demetz Sulé, sot ala bachëta de Martin Guthauer. Robert Vetter sunerà l orgun. I cian­tarins de Viena à mparà ite aposta la cianties ladines per cianté chësta bela mëssa.

Cursc
Mëns de utober
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel cun Emilia: uni merdi dl më­ns, ai 6, 13, 20 y 27 de uto­ber, for dala 09:30. Na cunescënza de basa dla rujeneda ie bënududa.
Uni mierculdi
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi uniràl rujenà nglëisc cun Nicky y Jen. N se anconta for de mierculdi dai 14 de utober nchin ai 4 de nuvëmber, for dala 09:30. Na cunescënza de basa dla rujeneda ie bën­ududa.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­­­blioteca »Anda Malia da Cu­­dan« tla Cësa di Ladins a Urtijëi. Unide nce Vo!

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchin al plu tert ai 31 de utober 2026. Per plu nfurmazions y per se nuté su: Emmerich Se­­­noner, 335 57 13 575.
18.10.
Jita d’auton danter Riffian y Dorf Tirol
La Lia da Mont Gherdëina mët a jì n dumënia ai 18 de uto­ber na blota jita danter Riffian y Dorf Tirol. Nchin a Riffian furneran cun la cu­rie­ra y da sëira inò dereviers. L sarà da jì feter 4 ëura, cun n deslivel de 500 metri. Iscri­zions nchin ai 16 de utober tres WhatsApp da Monica: 339 6563015.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­ventsingen« y a ti cialé ala »Salz­welten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon sin­­gula 485€). I posć ie dant resservei ai cumëmbri dl Kvw y da dedò permò ai autri nteressei.

Sozial
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mu­tons:ans o judé ulache l ie debujën. L servisc ie debant y duc possa s’l damandé. Per nfur­mazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòssen 
tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
16.10.
Deberieda: jon a Törggelen
La grupa Deberieda va a »törg­gelen«. N se anconta dala 14:00 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

Referac
15.10.
Educazion sessuela de mutons:ans
Tla biblioteca »Tresl Gruber« a S. Cristina vëniel metù a jì n lauratuere per genitores che à i mutons tl’età de scolina y scola, n juebia ai 15 de utober dala 19:30 nchin la 21:30. Referënta: Christa Plank.
19.10.
Referat »La picia paga«
En lönesc ai 19 d’otober dales 15:00 él te biblioteca da La Ila n referat por baié de educa­ziun finanziara por i mituns, ti insigné da manajé i scioldi cun responsabilité y compe­tënza. Le referat é ponsé por mituns y jogn dla scora ele­mentara y mesana, ince acom­pagná da n genitur. Referënc é colaboradus dla Cassa Raiffeisen Val Badia.
19.10.
Decuré cëiresc
Tla biblioteca de San Durich a Urtijëi vëniel metù a ji n curs per decuré cëiresc cun tecniches particuleres, cun la referënta Sonia Demetz, n lunesc ai 19 de utober dala 19:30 nchin ala 22:00. L vën perià bel de se nuté su te biblioteca. Da paië saràl 15€ per l material.
23.10.
Sëira geologica
Tla pitla sala tla Cësa di cun­gresc a Urtijëi saràl n vënderdi ai 23 de utober dala 20:00 n referat sun i aspec geologics dla Secëda cun la referënta Evelyn Kustatscher, geologa y paleontologa. Ntreda liedia.
26.10.
Surandada dl lüch y dla dita
La KVW de Badia mët a jí en lönesc ai 26 d’otober dales 20:00 n referat cun l’avocat Paul Maieron, tl’aula dla scora elementara de Badia. Le titul é »Surandada dl lüch y dla dita« olache an respognará a domandes sciöche: ci feji pa canche al é gnü le momënt da passé inant le lüch o la dita? Él por val’ da scrí n testa­mënt? Can él pa le dër momënt por le fá? Co dessi pa le fá?
28.10.
Burnout
Tla Cësa de Cultura te Sëlva mët l KVW Sëlva a jì na sëira de nfurmazion y descuscion n con’ dl burnout, cun l psico­logh Edmund Senoner, n mier­c­uldi ai 28 de utober dala 20:00.
28.10.
Esperiënzes dlungia la mort
Chësc é le titul dl referat che le Consëi de formaziun da Corvara mët a jí en mercui ai 28 d’otober dales 20:00, tl salf dles manifestaziuns a Cor­vara. Referënt é le dotur Marco Pizzinini, che baia dles esperiënzes dan la mort y dá informaziuns söles conescënzes dla medejina y dla sciënza sön chësc feno­men. Na sëra danter sciënza, esperiënzes personales y la domanda de ci che i savun dl confin danter vita y mort.

Sport
10.10.
Campiunat IHL: HC Gherdëina vs. Vinschgau
Tl stadio Pranives te Sëlva sa­ràl ai 24 de utober dala 20:30 la partida de campiunat IHL. L HC Gherdëina jugherà contra l Vinschgau
22.10.
Campiunat AHL: HC Gherdëina vs. Red Bull Hockey Juniors
Tl stadio Pranives de Sëlva saràl ai 22 de utober dala 20:30 la partida dl campiunat AHL (Alps Hockey League) danter l HC Gherdëina y l Red Bull Hockey Juniors.