La Usc di Ladins

Ai 20 de agost ie l joler dl Aiut Alpin julà a Corvara per n’emergënza sa­nitera. Do che n fova ruvei de reviers tla sënta ie l joler unì mandà a San Ciascian, de viers dla Capanna Al­pina, ulache l fova unit ju na gran smueia che ova trat pea l troi. De­berieda cun i judacrëp de Corvara àn recuperà sies escurscionisć.
Ntan l jol de reviers a Puntives à la zentrela damandà do l joler sa la utia Puez, ulache n à ciarià na jëuna che se ova fat mel a na ciavidla.
Plu tert iel pona mo stat na emer­gënza sanitera a Urtijëi - per chësc ntervënt àn tëut la dezijion de mené l dutor y sucoridëur cun l auto pra l pazient. L jëunn che stajova scialdi mel à messù unì ntubà y menà tl spedel de Bulsan cun l’ambulanza, davia che l tëmp ne lasciova nia pro de julé.