La Usc di Ladins

Bun de Silvia, poste te presenté en cört ai:les leturs:ies?
I sun Silvia Marcon da San Cia­scian, i á iniann stlüt jö les Scores Altes a La Ila, tl lizeum lingui­stich.

Chësc isté este stada praticanta tla biblioteca publica Sas dla Crusc a La Ila. Sëgn röia to practicum a piz. Co éra pa jüda?
Ara é jüda dër bun y i á imparé dër tröp, dantadöt sön ci che reverda l’ado­ranza dl program dla biblio­teca por l’imprëst y l’archirida di libri. I á capí damí sciöche les biblioteches de valada funzio­­nëia. I mëss dí che al é sté dër inte­ressant da descurí la sistematica y capí ci laur che al é doía. Canche an se imprësta fora n liber, ne le vëigon gonot nia y an ne conësc nia le tru che le liber á fat de­nan­che rové te nostes mans. Cun i colegs m’ái ciafe bun y i arati che al sides bel che le Comun ti dais ai jogn la poscibilité da fá chë­sta esperiënza. Al m’á ince salpü bel da mudé n iade setur y fá val’ che n’á nia da fá dire­tamënter cun le turism, mo olache an é plü a contat cun la jënt dl post. (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper