La Usc di Ladins

Federio Gaio à batù l derby talian contra Francesco Forti per 3:6, 6:3, 6:3. Enrico Dalla Valle ie stat bon de bater l numer 1 dl turnoi Abudllah Shelbayh (JOR) te trëi set, 4:6, 6:3, 6:4.
Gaio: «Son cuntënt de mi prestazion. L ne n'ie stat na partida saurida y ne n'é nia scumencià bën. Forti à scialdi na bona batuda». Śën uderons Gaio-Giacomini ti cherc de finela.
Dalla Valle se dij cuntënt, «ajache é venciù contra n averser che jirà su dassënn tl ranking mundiel. Ma savove de avëi l'ermes per jughé a pèr. É jugà scialdi miec che no tl prim turno de n mierculdi. Śën éi batù l numer 1 y muesse jughé i cherc contra l numer 1 virtuel. Lukas Klein cunësci scialdi bën, on la medema età. L ie scialdi n bon jugadëur, ma ie sé che aré na ucajion nce te chëla partida».