La Usc di Ladins

»L era na uta n tous, n tous che vardèa l mond con eies desvalives. La scola per el l era na prejon, l la vedea desche n empediment per fèr chel che ge piajea de più. Na dì l é ruà a scola n nef professor de musega che ge à contà la storia de na zità spezièla, New York, olache la musega la é viva e la empienesc ogne cianton. Chest professor à tacà a sonèr l sax, la notes l era cheles de semper ma l era zeche de desvalif, l era na melodia che empienia la scola de emozions. E coscita chel tous l à tacà a viajèr con l cef e l cher e … a emparèr a ge voler ben a la musega«.

Coscita taca ite la storia che ne à contà travers musega, paroles e teater i Picui Museganc de Fascia. En vender ai 11 de oril te Sorastanza de la Scola Ladina l grop de picoi e joegn sonadores, sot la direzion del Maester Paolo Rasom, i à portà l publich à fèr n viac musical belapontin a New York. N viac che é stat contà e spilenà da n grop de studenc de la clasc II del liceo artistich con l coordenament de la professora Chiara Rizzi.

Se pel lejer dut su La Usc nr 16 dai 2 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)