La Usc di Ladins

Con la ciantia ‘Bel Lingaz’ l Coro Nosc à avert en sabeda ai 17 de firé l conzert de prejentazion de soe neve mondure. N conzert che segna desvalives traverc emportanc per l Cor: 10 egn de vita, 9 egn da canche proprio te la medema sala de la Coprativa a Soraga l era stat tegnù l prum conzert, l nef corist Cristian Detomas e per ultim, ma no per valuta, na neva mondura.

I undesc corisć, vidé dal maester Peter Decrestina, ge à portà dant a la jent 17 ciantie, valguna de sie repertorie jà cognosciù e autre de neve, spartide fora te trei argomenc: l amor, la tera (desche Heimat) e le orazion. Angela Pederiva, te soa bela prejentazion rencurada, l’à uzà fora i valores de identità, originalità e leam che l Coro Nosc vel palesar tras soe ciantie ma ence tras la neva mondura. 

De più su La Usc stampèda de en vender ai 23 de firé.  (Monica Cigolla)