La Usc di Ladins

»Genius – Leonardo da Vinci anter èrt e scienza« l é la neva mostra dedichèda al genio universèl, averta la setemèna passèda ti spazies espojitives del Liceo Artistich de Sèn Jan. L percors, deldut ideà e realisà dai studenc de la classes 3 LSA e 3 LAF di licees scientifich e de la èrts feguratives, très ativitèdes e laboratories l conta di enteresc de Lenèrt scienziat, artist e enjegner.

A la inaudazion à tout pèrt sacotanta jent, anter studenc de la scoles, genitores e dozenc, per n moment de comunanza piajegol e de legreza. A vidèr l publich a cognoscer la fegura de Lenèrt e del muion de sia pascions l é stat l professor Ismael Pellegrin e la studenta Anna Lazzer, che per l’ocajion i à enjignà paroles e letures toutes ca dal gran patrimonie leterarie leonardesch, con cheles che i à endeletà con gust gregn e picoi.
La pèrt fosc più particolèra e da marevea del percors espositif l é chela resservèrda a la reproduzions de la machines de Lenèrd, ruèdes te Fascia de gra a la colaborazion anter la Scola Ladina de Fascia e l’Ecomuseo de la Roggia de Vigevano, che da egn l valorisea l luries de pascioné del teritorie che se dèsc ju te la produzion di projec mecanics de Lenèrt, descric te si codesc ma n muie da spes no realisé. Catapultes, balestres, gru, triveles, l é demò valguna anter la 13 machines en espojszion...

De più su La Usc stampèda de en vender ai 21 de mèrz.


 (Thomas Zulian)