Forá trö’ massa cialdin
Te chësc mëis de forá unse bëgn albü temperatöres cotan fora dla sajun. Püch frëit da doman, cun les gotes che jô alüsc ince de nöt, y cotan cialt domisdé.
Chësc vëigon sce an ti ciara ai dac dles staziuns dl tëmp provinziales te nosta valada, dal 1. ai 28 de forá. La temperatöres plü alta é gnüda registrada a Corvara ai 5 de forá, cun bëgn 11,6 gra de cialt. Sura i önesc êl ince sté i dui dis denant. Ince sön Piz La Ila él gnü arjunt ai 15 de forá i 10,1 gra de cialt y a San Martin de Tor n’án registré 11,5 gra ai 18 de forá. Atramënter cun le frëit da doman: La temperatöra plü bassa sön Piz La Ila é stada de ma 8,2 gra de frëit ai 24 dl mëis, ince a Corvara án arjunt en chël de i -8,1 °C y a San Martin é le de plü frëit sté ai 14 de forá cun -6,6 °C. Sön Piz La Ila án albü dal 1. ai 28 de forá bëgn 8 dis olache le termometer n’é gnanca jü sot a nul. A San Martin n’él sté 4, a Corvara 3, mo lapró n’él sté n valgügn che al ess mancé püch. Ma bun che al é altamo gnü val’ nëi danterite, ince sce de forá ál splijiné y ploiü dolarata scialdi gonot. (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/26601-fora-troe-massa-cialdin#sigProId1c1c33a2fe
https://www.lausc.it/valedes-ladines/val-badia/26601-fora-troe-massa-cialdin#sigProId1c1c33a2fe