L convegn tl Senat a Roma metará man (en juebia) da les 14:00. Al ordin dl di sarál tl prum i saluc istituzionai, ence da pert dla senatoura fasciana Testor, che fej pert dla Comiscion parlamentara dles politiches dl’Union Europeica. Ence l senatour südtiroleis y SVP Dieter Steger saludará en raprejentanza dl Grup autonomies tl Senat. Dedó intervegniral de plu raprejentanc de mendranzes dla Talia, anter l ater ence Leopoldo Rizzi sciche "promotour dla Ciampana dla pesc, di Ladins y dles mendranzes etniches tl mond", y Francesco Palermo dla EURAC.
Les conclujions, prevedudes entourn les 18:00, vegnirá fates dal Minister ai afars regionai y a les mendranzes Francesco Boccia.
L’Union Generela di Ladins dla Dolomites sará a la pert con na delegazion, vestida ence con guanc tradizionai, per damané deberieda con dutes les autres mendranzes reconesciudes da la Costituzion Taliana la ratificazion dla Cherta europeica che garantesc la sconanza y tla pratica ence l insegnament dl lingaz y la toponomastica.
(Iaco Rigo)
I Ladins vá a Roma
Na delegazion dla Union Generela di Ladins dla Dolomites é vegnuda invieda da la senatoura Elena Testor dodoman tl Senat a Roma per rejoné dla ratificazion dla Cherta europeica di lingac minoritars. La Talia á firmé dant 20 agn la Cherta europeica, ma ne l’á mai metuda en at tres la ratificazion. La colaborazion dl convegn vegn dal CONFEMILI, l Comité nazional federal dles mendranzes linguistiches dla Talia
Galaria retrac
View the embedded image gallery online at:
https://www.lausc.it/atualite/11957-i-ladins-va-a-roma#sigProIdf40cbd5fca
https://www.lausc.it/atualite/11957-i-ladins-va-a-roma#sigProIdf40cbd5fca
