La Tèlia à sie nef Goern. L President del Consei enciarià Mario Draghi à portà a compiment dò 9 dis de gran lurier, fat en cordanza con l President de la Republica, l’encèria che l’aea azetà da Mattarella ai 3 de firé.
Di 23 Ministres cernui da Draghi 15 l’é politics e 8 tecnics, con desvaliva confermes e tropes inomes neves. L’é 8 la femenes e de chestes 2 de gran peis, con la conferma de Luciana Lamorgese a l’Intern, descheche l’era tel Goern Conte, e la neva de Marta Cartabia, jà presidenta de la Cort Costituzionèla, a la Giustizia.
Te la squadra troa lèrga duc i partic che aea palesà sia fiduzia a Draghi, da PD a Lega e LEU, da 5 Steiles a Forza Italia, en pratega duc fora
View the embedded image gallery online at:
https://www.lausc.it/atualite/14831-duc-i-inomes-per-l-goern-de-mario-draghi#sigProIda2b6a74d40
https://www.lausc.it/atualite/14831-duc-i-inomes-per-l-goern-de-mario-draghi#sigProIda2b6a74d40
Confermes per Luigi di Maio (M5S) ai Afares Foresć, Lorenzo Guerini (PD) a la Difesa, Roberto Speranza (Leu) a la Sanità, Federico D'Incà (M5S) ai Raporc col Parlament, Elena Bonetti (Italia Viva) a laOportunitèdes pervalives e Dario Franceschini (Pd) a la Cultura.
Per l turism l goern ponta sun n ministèr de peis e l ge lo dèsc te man a Massimo Garavaglia (Lega). Minister de l’economia sarà n tecnich, l diretor de la Banca d’Italia Daniele Franco e amò tecnics l’é i dozenc universitères Patrizio Bianchi a l'IstruzioneCristina Messa a l'Università. L’ex presidente de l'Istat Enrico Giovannini va a Infrastrutures e Trsporc, Vittorio Colao a l'Inovazion tecnologicae Roberto Cingolani, vejin ai 5 Steiles,al nef minister de la Transizione ecologica. Di 5 steiles dapòStefano Patuanelli a l'Agricoltura e Fabiana Dadonea la Politiches per i joegn. L lurier va al vizesecretèr del PDAndrea Orlando e l svilup economich al vizesecretèr de la Lega Giancarlo Giorgetti e amò de la Lega l’éErika Stefani a la Desabilità. Trei nomines per Forza Italia, conMariastella Gelmini ai Afares regionèi, Renato Brunetta a la Publica aministrazion eMara Carfagna a la costions del Sud.L sotsecretèr a la presidenza del Consei doventarà enveze l magistrat Roberto Garofoli.
Anché sabeda ai 13 de firé da les 12 l’é l jurament di Ministres e en mercol e jebia vegnarà lità la fiduzia al Senat e la Cambra.
(lg)