La Usc di Ladins

Come ogni ann, ence n miercoi ai 17 de auril na raprejentánza del 24. Jaegerbattalion de Lienz i é vignus nta Fodom e auna a alpini e schützen fodomi i é jus fin su la ponta de Col de Lana per recordé la mina, fata sauté dai saudei taliagn proprio n chël dì del 1916. Le delegazion i é jude su a chi a pé da La Plié chi coi schi da Mont da Ciastel per po’ se biné susnom, ulache davò doi parole de record l é sté metù ju doi corone de orer per recordé i morc de una e de l’autra pert, sautei per aria a gauja del bot dei 5000 chili de polver neigra che ava fat jì per aria la ponta. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper