La Usc di Ladins

L é da n muie de egn che Massimo Girardi, con sia sociazion Transdolomites, l se dèsc ju con costanza per chierir de portèr inant l projet de na ferata per la valèdes de la Veisc e sensibilisèr la jent e i referenc politics de la valuta de chesta soluzion. 

En vender ai 18 de november te Comun de Sèn Jan l é stat sport n auter contribut, con l intervent de desvalives relatores esperc, per moscèr travers na lingia de dac, studies e conscidrazions che l é dalbon ora brujèda de mudèr endrez en cont de mobilità.

Al convegn »Turismo e mobilità, quale futuro per le Dolomiti?« con i professores Diego Cason, Giorgio Daidola e Giovanni Saccà e la moderazion de la giornalista Virna Pierobon, ge é stat metù dant a la jent - tant te sala che en streaming - la situazion e i problemes de nosc svilup turistich e la strèdes che aon dedant da poder cerner. E anter chesta strèdes, ence te la politica (per volontà o per oportunism, à sotrissà Girardi) somea che chela de la ferata – te chest an 2021 dedicà a livel european apontin a chest sistem de trasport – sie do a doventèr na soluzion semper più aprijièda.

Te sia prejentazion l president à recordà amò n’outa i limic de la mobilità sun goma, enceben che con alimentazions »ecologiches«, ajache i auti seghita a embocèr la valèdes da mont e i zentres de la zitèdes e l à sotrissà che la speranza per n mudament dezisif la pel ne vegnir demò dai joegn.

La parola é passèda dapò a Helmut Moroder e ai etres relatores.

De più su La Usc stampèda de vender ai 26 de november.  (Lucia Gross)