La scontrèda metuda a jir dal Servije mendranzes PAT con sia dirigenta Giuliana Cristoforetti, l é n passaje de obligh pervedù da la legislazion provinzièla su la mendranzes linguistiches, olache duc i raprejentanc istituzionèi de la comunanzes ladina, mochena e cimbra i cogn dèr de obligh l parer sul program di intervenc per l’editoria e la informazion e su la spartijon del Fondo provinzièl per finanzièr ativitèdes e projec de la 3 mendranzes.
A voler sotrissèr l’atenzion de la Provinzia per la mendranzes,
View the embedded image gallery online at:
https://www.lausc.it/atualite/18307-l-20-de-manco-sul-fondo-per-la-mendranzes#sigProId10bb0d786c
https://www.lausc.it/atualite/18307-l-20-de-manco-sul-fondo-per-la-mendranzes#sigProId10bb0d786c
Per l an 2022 la desponibilità de ressorses en dut sul Fondo de la mendranzes la é de 738.850 euro respet ai 915.988 del 2021, l 20% de manco. Cristoforetti à deschiarì che la desferenza vegn dal smendrament de 177.000 euro del stanziament per la convenzion con la RAI de Busan per la trasmiscions del terzo canal bis (103) per todesch e ladin, convenzion che l é pervedù che la se sere su ai 14 de firé, canche sarà l switch off e col nef sistem digital duc chisc programes de la RAI sarà da poder veder dut un. Al post de chest – à dit la dirigenta – vardon se l é l met de fèr ruèr sun dut l tegnir de la provinzia la trasmiscions del canal austriach ORF.
L prum intervent l é stat chel del Procurador de Fascia Giuseppe Detomas, che l à uzà fora la costion de la dificoltà, vegnuda fora te la Consulta Ladina del Comun General, de cogner enjignèr l Pian Organich dant de saer coluna che sarà la desponibilità de ressorses da man de la Provinzia.
Detomas à rejonà ence del gran smendrament del Fondo, dijan che l se aea alarmà tel veder n tai del 20% respet al an dant.
De più su La Usc stampèda de vender ai 14 de jené.
(Lucia Gross)
