La Usc di Ladins

Da chësc secundo stüde do chël pröm dl 2016 (dan 5 agn) vëgnel a löm che les families aumentëia ann por ann te Südtirol. Dl 2020 n’êl bëgn 229.000. Mo les "families" é metüdes adöm tres deplü da manco componënc. Al momënt á la familia mesana te Südtirol chi 2,3 componënc. De fat s’á smendrí ince le numer de families maridades (dal 46 al 25%), y la cuota de chi:ëres che vir da susc:ores s’á alzé dal 26 al 37%.
Respet al stüde dl 2016 s’á alzé la azetaziun de formes de convivënza desferëntes ales formes tradizionales, teco families de pers dl medem gene o families zënza mituns.
Söla domanda de ci mosöres che les families á le plü debojëgn, él gnü a löm l’assistënza fisica te scores maternes, scolines y scores, desco ince da pert de nenesc:laves, y i assegns familiars finanziars. Chersciüda é la convinziun che i peresc dess tó deplü "vacanzes de paternité" por lié adöm plü saurí laur de trami i geniturs y la familia. Mo la realté é n’atra: la percentuasla di peres che á tut bele n iade vacanza de partenité é restada plü o manco medema co dan da 5 agn.  (Iaco Rigo)