La Usc di Ladins

Ai 23 de jené iel stat un n ntervënt tla Ladinia per l Aiut Alpin Dolomites, canche la Crëusc Blancia à menà adalerch tla sënta a Puntives n ël de 48 ani cun problems al cuer. L dutor l à stabilisà y l ël ie unì menà cun l joler tl spedel de Bulsan per d’autri ejams.
Ai 24 de jené àn cherdà l Aiut Alpin a San Ciascian per n suspet de ictus, a La Ila per n ël cun problems al cuer y a Badia per n ël de 77 ani cun na sangheda al cë. Duc ie unii menei cun l joler te spedel.
Ai 25 de jené de plu emergënzes saniteres sun purtoies, a San Ciascian y sun Pas Pordoi, na terza sun Jëuf de Sela ulache n mut de 12 ani fova tumà jù bën set metri dal lift dai stuei. L mut ne se ova fat nët nia ma n l à mpò menà tl spedel de Bulsan per n cuntrol.

De plu tla edizion stampeda de La Usc di Ladins o sun l e-paper a paiament www.lausc.it/e-paper