La Usc di Ladins

L Pian per i Joegn La Risola, en colaborazion col Comun General de Fascia, à dat fora l nef bando 2024. Fin ai 10 de mèrz duc chi che à enteres de meter dant projec per i joegn de Fascia i pel manèr ite sia idees. L é a la leta passa 17 mile euro. Aldò de n chestionèr fat anter i joegn e i genitores de la val, l é vegnù fora l besegn de sostegnir evenc del teritorie, sul teritorie, per i joegn anter i 11 e 20 egn, travers la sociazions del post, per envièr via e engaissèr momenc de dialogh e de cognoscenza anter la generazions. L Desch donca tolarà su con enteres particolèr duc chi projec che arà anter si obietives soraldut la sostegnibilità, la descorida de la tradizions e i joegn desche protagonisć atives te la fasa de ideazion, gestion e realisazion di projec. 

De più su La Usc stampèda de en vender al prum de mèrz.  (MCI)