La COP l é la conferenza endrezèda vigni an da l’ONU, Organisazion de la Nazions Unides, per fèr l pont su la situazion del entesseament su nosc pianet. Chiò i raprejentanc di Goergn de duta la nazions, organisazions no goernatives e gropes de ativisć pel tor pèrt per descorer e negozièr azions globales per ge fèr front al cambiament climatich. I obietives prinzipèi de chesta conferenza l é l smendrament de la emiscions de gas serra, la mobilitazion de finanziamenc ai Paijes en via de svilup per n davegnir più sostegnibol e la promozion de tecnologies sostegniboles.
La COP de chest an, stata a Dubai dai 30 de november ai 13 de dezember, l’à tout te man costions desvalives, anter l auter la discuscion su co arjonjer i obietives de la Cordanza de Parigi. Chesta cordanza, siglèda del 2015, raprejenta un di resultac prinzipèi de la veia conferenzes e l’à l zil de tegnir l aument de la temperatura sot ai 2 degrees Celsius respet ai livie preindustrièi.
La clasc terzes del liceo scientifich é states do a duta la negoziazions: doi la scontrèdes endrezèdes da APPA, olache i studenc à tout pèrt a riunions Meet per entener l svilup de chesta COP e per se formèr su argomenc de scì gran emportanza. L projet portà inant da la professora Elisabetta Demattio, dozenta de scienzes naturèles a la scola autes, à tacà muie dant dal scomenz de la COP; con lezions dedichèdes a chisc argomenc l é stat formà e sensibilisà i studenc.
De più su La Usc stampèda de en vender ai 12 de jené. (Stefano Rasom e Alessia Donei)
Clima e davegnir: che che l é stat fat a la COP28
Conscidrazions sui ejic de la Conferenza stata a Dubai dai 30 de november ai 13 de dezember.
Galaria retrac
View the embedded image gallery online at:
https://www.lausc.it/spezial/26188-clima-e-davegnir-che-che-l-e-stat-fat-a-la-cop28#sigProId8725d33cdd
https://www.lausc.it/spezial/26188-clima-e-davegnir-che-che-l-e-stat-fat-a-la-cop28#sigProId8725d33cdd
