La capolista Lubiana, jà matematicamenter al prum post de chesta pruma fasa de campionat, à vent sia 12^ partida consecutiva a l’overtime de contra al Feldkirch, coi austriacs che à aboncont vadagnà n pont emportant per se mantegnir te la prumes sie posizions, avisa la 5^, bones per se jièr i playoff.
Al secondo e al terzo post l'é restà l Renon e l Pusteria. I Rittner Buam a Vienna à vent sia endesfida de contra ai Capitals enceben la mencianza di doi defensores Brunner e Öhler. I louves de la Pustra enveze i à cognù ge fèr front al Bregenzerwald, venjan la partida per 3 a 2.
L
View the embedded image gallery online at:
https://www.lausc.it/sport/11770-ahl-temp-de-sentenzes#sigProId8a88489439
https://www.lausc.it/sport/11770-ahl-temp-de-sentenzes#sigProId8a88489439
Zona playoff che se conquista per endèna ence l Jesenice, per la pruma outa de la sajon al 6° post de gra a la venta sul Lustenau.
Autra squadra ladina, l Fascia l'é stat bon de se portèr a cèsa na bona venta, enceben ai overtime, de contra al Klagenfurt-II. Semper ai overtime à vent ence l'Asiago. Con chesta ventes otegnudes dò i tempes regolamentères la doi squadres les resta a pec pasc da la possibilità de jièr l Master Round, al 7° e 8° post en classifica.
Mingol più dalonc da chesta possibilità l Vipiteno. I Broncos i é stac bogn te chesta giornèda de venjer la partida de contra al Kitzbühel se vadagnan coscita i 3 ponts e se tegnan a na distanza de 4 ponts dai playoff.
La terza ladina che se troa en classifica, al 13° post, l'é enveze l Gherdena. Te la gares de sabeda ai 18, i ladins à jià de contra al Zell am See te na partida anter doi squadres che jà saea de no aer più possibilità de se vadagnèr l'azess diret ai playoff. La partida la é fenida en parità, coi gherdeneres che à tinultima perdù ai overtime.
De più su La Usc stampèda de vender ai 24 de jené. (Daniele Verra)