En sabeda ai 20 e en domenia ai 21 de mèrz se à dejout la finèles de Copa Tèlia de skialp sui portoes de Roccaraso (Abruzzo). L’emportant event nazionèl l se à spartì te doi proes, con na garejèda vertical stata l prum dì, bona ence desche Campionat Talian con l’assegnazion di trofees de spezialità, e la proa individuèla de la seconda giornèda de competizion che à serà sù la sajon de Copa Tèlia.
Te la vertical Giorgia Felicetti la é stata bona de se vadagnèr na piaza te la top-5 col temp de 28’14”, mencian l podie de na soula posizion con l 4° post assolut. Con sia prestazion la fascèna se à ampò vadagnà la medaa de or de categoria, venjan l titol talian vertical U.23.
Ades l skialp é ruà al gran finèl de Copa del Mond, con la competizion su la neif de Madonna de Campiglio dai 25 ai 28 de mèrz.
Duc i resultac de la Copa Tèlia su La Usc stampèda de vender ai 26 de Mèrz.
(Daniele Verra)
