La Usc di Ladins

Seghita l moment engrà per l Fascia balon, ajache te la trasferta a Roveré della Luna la endesfida contra La Rovere la é fenida 1 a 1. Ti prumes menuc l é i fascegn che fasc la partida, portan inant so jech, ma zenza ruar vejins al gol a cajon del ciamp de erba e de la pecia prezijion de Deflorian e compagnes. 
Col jir di menuc rua le prume ocajion per i bec de Mister Gabrielli che, dant con Gianni Riz e do con Sebastiano Rasom, i ge dasc cruzies a la defendura de ciasa, ma zenza brincar l usc. I fascegn seghita a spenjer per fenir l prum temp en vantac, ma zenza esser bogn.

Tel secondo temp la musega no muda. I bec de president Ghetta i proa a far l gol del 1 a 0 ma sobito no i é bogn, la squadra de ciasa se salva de gra a na bela parada del portier su Gabriele Riz. Pech do rua l gol fascian con Massimo Lorenz, che co na gran azion personala l é bon de ruar contra l portier, l sutar e meter l balon junsom al sach. 
Do chest gol i patrogn de ciasa se desceida e a 5 menuc da la fin rua l gol de La Rovere co na trata dai 11 metres.

En domenia l é l’ultima partida de campionat per i fascegn sul ciamp de ciasa e per chestsa ocajion l Fascia Balon met a jir na bela festa de sport sul ciamp de Cotura che pea via jà inant mesdì.

De più su La Usc stampèda de vender ai 20 de mé.



 (Pierpaolo Rasom)