L é scomenzà anché a Espot, sui Pirenei de la Spagna, la garejèdes di Mondièi de schi alpin paralimpic e sobito l è ruà na neva maraveousa: la fascèna Chiara Mazzel de 26 egn da Vich à vent la medaa de or, seran su te 1 menut e 40 centeisemes la proa de slalom lèrch, vidèda da Fabrizio Casal. Talièna ence la seconda piaza, vadagnèda da Martina Vozza vidèda da Ylenia Sabiduzzi, e terza la greca Eva Nikou. Na venta che à amò maor valuta conscidran che Chiara, de la Asd Sportabili de Pardac, la se aea enfortunà sot la festes de Nadèl, canche crodèda jabas la se aea fat na microfratura la polesc de la man dreta. Complimenc e inant coscì!
N auter bel resultat te chesta pruma giornèda l é ruà dal fiemac Giacomo Bertagnolli, vidà da Andrea Ravelli, che se à vadagnà l terzo post anter ic te la medema categoria.
(Lucia Gross)
Chiara Mazzel de or ai mondièi paralimpics!
La atleta da Vich vidèda da Fabrizio Casal à vent l SuperG de eles te la categoria Vision Impaired.
Galaria retrac
View the embedded image gallery online at:
https://www.lausc.it/sport/22362-chiara-mazzel-de-or-ai-mondiei-paralimpics#sigProId74f003b529
https://www.lausc.it/sport/22362-chiara-mazzel-de-or-ai-mondiei-paralimpics#sigProId74f003b529