La Usc di Ladins

Trëi partides, trëi resultac desvalis. La scuadra dl chidlé de Mareo á desfiré en vëndres dan otedé la terza partida te chësc campionat de retüda: te ciasa cuntra le Türesc II. Do avëi pordü la pröma y parejé la secunda, ésera te ciasa garatada da rové ala devënta. Bele pro i confrunc direc, é le Mareo sté bun da mëte a saul 4 punc sön 6 y i ultims dui punc é garatá pro le total di chidli. Le Mareo á rosedé 2.890 lëgns cun la mesaria de 481,67, i aversars é rová sön 2.812 chidli y la mesaria de 468,67. I mius dla serada é stá Albert Tavella por le Mareo y Engelbert Nöckler por le Türesc, intrami cun 504 chidli. Le Mareo soga la proscima partida chësta sabeda ai 18 de forá dales 19:30, a Redant cuntra Kiens II.  (pablo)