La Usc di Ladins

Do aer cognù anulèr per neif l slalom lèrch ai 6 de mèrz, en jebia ai 7 l Ski Team Cavalese à metù a jir la garejèdes de SuperG de valuta per i Campionac Trentins de la categories Ragazzi e Allievi. 

Anter i Ragazzi l mior fascian l é stat Gabriel Dellantonio, clas 2011 de la Monti Pallidi, che l é restà tanche ju dal podie al 4° post e l à despassà per 2 centeisemes Andrea Giacomelli del Ski Team Fascia, 5°.
En vender ai 8 de mèrz l zircuit di Campionac Trentins Ragazzi e Allievi se à tramudà sun Sèn Pelegrin sul portoi Panorama Paradiso per la garejèdes del Skicross. Anter i Ragazzi dopie podie fascian, con la medaa de arjent vadagnèda da Gabriel Dellantonio e chela de bron da Nicolas Maria Rasom.
En sabeda ai 9 e en domenia ai 10 de mèrz l é stat en ultima la garejèdes de slalom lèrch e strent, semper per endrez del Ski Team Cavalese sul portoi Donei sul Cermis. 

La sabeda é stata segnèda da la medaa de or de Thomas Liberatore, che do aer falà per pech la venta en jebia tel SuperG l se à vadagnà l titol provinzièl tel slalom lèrch. 

De più su La Usc stampèda de en vender ai 15 de mèrz.  (Lucia Gross)