La Usc di Ladins

La fin de setemèna dai 8 ai 10 de mèrz i Scufons del Cogo à endrezà sun Sèn Pelegrin la 27^ edizion de la Scufoneda. Na edizion che se à serà su sot la neif che oramai compagna Fascia e l jouf de Sèn Pelegrin da la Copa del Mond de eles, descancelèda a la fin de firé. Neif frescia che aboncont à portà gran legreza ai sacotenc Scufons che se got proprio coi schi da telemark e a fèr raides sui portoes e foravia.

La Scufoneda seghita a crescer an do an de gra a la partezipazion semper più maora e piena de gaissa di telemarker ence joegn, e no demò taliegn ma da duta Europa. An do an somea che i cresce semper de più i pascioné de chesta tecnica dal ciucegn ledech. Ence l president di Scufons Felice Canclini se à maraveà de coscì tanta partezipazion, chest an i era de passa 300. 

De più su La Usc stampèda de en vender ai 15 de mèrz.  (VP)