La Usc di Ladins

La sajon dai schi se sera su con n auter bel resultat per i atlec ladins che à tout pèrt a la garejèdes FIS Junior sun Pordoi ai 13 de oril. L Schi Club de Rèba à endrezà cater slalom lèrc e chiò se à metù al luster i atlec del Ski Team Fascia e de la Monti Pallidi.

L prum sciaier anter ic l é stat vadagnà da Tommaso Mobiglia del STF che à fat l mior temp de la doi manche, lascian vindò l atlet del Schi Club Druscié Cortina Lorenzo Salvati. Sul terzo sciaier l é ruà enveze Daniele Mastrobattista de la Monti Pallidi de Moena che se à serà su con 47 centeisemes de destach. Amò al quarto post troon Riccardo Pasquarella del Ski Team Fascia, al 8° Sebastiano Cipriano del SC Cortina, al 10° David Castlunger e al 12° David Thaler del ST Auta Badia, al 13° Manuel Kofler del SC Gherdena. 

De più su La Usc stampèda de en vender ai 19 de oril.  (mci)