Ra tre Unios ladines de Anpezo, Col e Fodom ‘s à chera de bete a śì ‘na Federazion de i Ladis de Souramont, inze ra Rejon Veneto. Par chesto ‘s à domandà a i tre comune de fei ‘na delibera, da mandà a Venezia. Del 2022 chesta tre Unios s’à destacà da ra Federazion che tol inze dute i Ladis sote el Veneto, in śiro par Cadore, Oltreciusa, Comelego, Zoldo e Agordin.
Ai 29 de febraro el Comun de Anpezo, con dute i consiliere d’acordo, ‘l à votà ra prima delibera. Conpain à da fei ades i doi consilie de Col e de Fodom, par dapò mandà duta ra cartes a Venezia e spetà de sentì ce che i dijarà in Rejon. Sarà da mudà ra leje rejional 30 de i 25 de otobre del 2021, che riconosce par ades ra Federazion, nasciuda supośò da trenta ane, dapò de ra prima leje veneta su ra minoranzes, che r’é del 1983. (MDM)
De plu tla edizion stampeda de La Usc di Ladins o sun l e-paper a paiament www.lausc.it/e-paper
Federazion de i Ladins de Souramont
Tre Comune e tre Unios culturales aduna, par domandà a ra Rejon Veneto de fei algo depì e meo, par chesta tera
Galaria retrac
View the embedded image gallery online at:
https://www.lausc.it/valedes-ladines/anpezo/26634-federazion-de-i-ladins-de-souramont#sigProId781224012c
https://www.lausc.it/valedes-ladines/anpezo/26634-federazion-de-i-ladins-de-souramont#sigProId781224012c