L é na sozietà che seghita a crescer la Fassa Terme s.p.a. L bilanz de ejercizie serà su ai 31 de dezember del 2023 moscia n utol de 34.995 euro respet al passif del an passà de 59.284 euro. Na sozietà che se à taà fora sia pèrt de emportanza te n contest de oferta turistica de Fascia.
L president Claudio Bernard, en ocajion de la radunanza di sozi chiamèda ite ai 19 de oril al XAlp Hotel de Pera, à rejonà de na sozietà che à semper desmostrà gran atenzion envers i temes de la sostegnibilità e de l’integrazion col ambient, l teritorie e la spetadives di portadores de enteres. Ma soraldut de na sozietà che é semper vertia a fèr rei con l’autra sozietèdes de la val. A desmostrazion de chest l é l investiment de 550.000 euro che l’à fat l an passà per comprèr l 3% de la quotes de la sozietà de impianc portamont Ciadenac che à venù l Comun de Sèn Jan. Ensema a la SITC, che à comprà l 4% de la quotes, ades Fassa Terme l é la terza sozietà de referiment de la sozietà Ciadenac.
»Fassa Terme e la sozietà Ciadenac podessa aer na colaborazion ezelenta per crear n pachet de oferte per slongiar le sajon del turism – à dit l president Bernard. Cognon far rei sul teritorie anter terme, forenadoa e alberghes...
De più su La Usc stampèda de en vender ai 3 de mé. (Monica Cigolla)
Fassa Terme: ge vel troèr post per i auti
La sozietà à chiamà ite la radunanza di sozi per l’aproazion del bilanz. Duc a una su la proponeta de se comprèr ite la azions.
Galaria retrac
View the embedded image gallery online at:
https://www.lausc.it/valedes-ladines/fascia/27062-fassa-terme-ge-vel-troer-post-per-i-auti#sigProId6df4b5a121
https://www.lausc.it/valedes-ladines/fascia/27062-fassa-terme-ge-vel-troer-post-per-i-auti#sigProId6df4b5a121