La Usc di Ladins

In Anpezo no se sà agnó bicià ra tera, i sasc, el material che vien fora canche se jaa, inze un cantier, da fabricà. Duto chesto suzede propio ades, che de laore da fei in é un grun, e trope pitosc grei, ste doi ane che me mena ves i Śoghe olimpici e paralimpiche d’inverno 2026. Par chesto an 2024, e dapò par el 2025, i parla de fei ra strada noa, a man zanca de ra Boite sote ra strada de ra Guides; i à un outro projeto pi in outo, intrà i pontes Corona e Crignes, sul Lungoboite Majoni; i à da jaà sote el piazal de el vecio mercà; i à un outro gran laoro inze ra piaza de ra Postes, anche là da jaà, da bete sote i automobiles; se mai i aese da scomenzà a jaà in stazion, soutarae fora cisacuante metre de material. L é el laoro da fei inpó el stadio Olimpico de ra jaza; un outro el podarae scomenzà su a Guargné, da fei fora noa ra piscina, da nodà. A chesta e outra operespubliches se śonta chesres privates, par trope hotiei de ‘l paes,calchedun bel gran, con cisà cuante metre cube. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper