»Noi aon serà sobito dò chel fin de setemana pien de jent di 7 e 8 de marz – disc Livio Crepaz del Restorant Pizzeria Le Giare de Poza. Son jà content che te chi dis nesciugn de nosc staff se aesse ciapà sù nia, ma no peisse che la situazion posse se ressolver bele prest. Ades l personal che aane per la sajon l’é en desocupazion, enveze per chi che aon dut l’an speton de saer dalvers co far domana per aer l didament dal fondo de solidarietà. Canche i slariarà mingol le limitazion podaron i far lurar per meter a post l local, ma peisse che la sarà longia.«
Willy Calzavara l’é l referent de Fascia de la Sociazion di Ejercizies publics del Trentin, sie bar gelaterìa, l Leon d’Oro de Poza, laora soraldut te sajon. »Canche i à metù la limitazion noi aane jà serà. Luraane soraldut domesdì con i ghesć foresć che i é se n jic duc. Ge aon jontà 2 meisc de lurier e per chest te Fascia sion duc cruzié, soraldut i più picoi. Ence perché le speise le aon ampò.«
De più su La Usc stampèda de vender ai 27 de mèrz.
(Lucia Gross)
