La Usc di Ladins

L respon a la critiches uzèdes fora dal grop de mendranza Vardon Inant, l’ombolt de Mazin Fausto Castelnuovo, con interogazions, mozions e responetes, percheche ge vel lejer duc i papieres, l disc.

La pruma costion l’é chela de la banca checena. L’ombolt Castelnuovo l’é stuf de sentir rejonèr de chesta costion: »L’é na discuscion che va inant da 6 meisc canche de la femenes che vegn copèdes dai omegn i n rejona trei dis. Nos pisson e sion spervaji che serf de più ge ensegnèr a la jent la no violenza piutost che meter fora simboi.

Autra costion tirèda cà dal grop de mendranza Vardon Inant l’é chela de l’incompatibilità anter la encèries de ombolt e de comandant di Studafech de Mazin. 

L statut de nosc grop de Mazin aessa cognù vegnir agiornà del 2011 ma no l’é stat fat. Gé fae referiment al statut del grop di Studafech de Mazin e me sente a post. Apenamai che jirà en doura l nef statut daré jù mia demiscions. 

De più su La Usc stampèda de vender ai 23 de oril.  (Monica Cigolla)