La Usc di Ladins

Emozions, relazions, condivijion l’é da semper temes fondamentèi de VIF (acronim de Viver, Informèr, Formèr), l projet sanità de la Scola Ladina che da egn se dèsc jù per ge proponer ai studenc de duta la classes oportunitèdes de enconter e crescimonia, percorsc de enrescida e descorida, momenc de reflescion e devertiment. 

Soraldut te chest an de emergenza sanitèra, olache l benesser personèl e sozièl de ogneun l’é doventà amò de più n obietif senester da arjonjer, ensegnanc e studenc, con empegn e no zenza dificoltèdes, i à seghità a fèr crescer daite da la scola na rei emportanta de confront, barac e amicizies che ge serf a ogneun per madurèr. 

Ence de gra a la neva tecnologies à podù jir inant con sia ativitèdes la redazion del sfoi de la scola Filoreflex, l cors de teater metù a jir da la regista Michela Marangoni de la Sociazion Antermoia, i projec scientifics e umanistics e l’é pontà demez i percorsc de Peer education VIF su la dependenzes e su l’afet e la sessualità.

De più su La Usc stampèda de vender ai 23 de oril.  (Cri.m)