La Usc di Ladins

»Ence canche gio no saré più, ve pree de seghitèr a ge stèr vejins a Kimbondo«. Chest l apel che P. Hugo Rios ge à fat a la jent de Fascia en vender ai 13 de mé, canche l é ruà te oratorie de Poza per rejonèr de la situazion de la miscion te la Republica Democratica del Congo, te na scontrèda endrezèda dal Grop Miscionarie Freinademetz.
Padre Hugo Rios, de naa dal Cile ma oramai da n muion de temp te l’Africa, l à 75 egn, e l é egn vivui anter duc i stragauc e le fadie che la miscion domana, che scomenza a se fèr sentir.
Duta Fascia, col Grop Freinademetz, sostegn la pediatria de Kimbondo oramai da passa 15 egn, da canche te val era ruà l apel a fèr vèlch per didèr i picioi del ospedèl e de la cèsa per i pedimenté de chela miscion vejin a Kinshasa olache l era Betty Sommavilla da Ciampedel, che aló é restèda fin canche del 2010 la é morta.
De chest leam, al scomenz de la scontrèda, à rejonà Ivano Winterle, che tel Grop Freinademez l ge stèsc do en particolèr a chest projet.

De più su La Usc stampèda de vender ai 20 de mé.  (Lucia Gross)