La Usc di Ladins

Chisc dis passé presciapech na nonantina de joenec de Cistà, spartii te doi gropes, à passà dotrei dis a Santa Giuliana, na frazion de Levico, te na ciasa en autogestion. Te chesta ocajion i é jic a Luserna per na fradaa linguistica con la mendranza cimbra.
La fradaa, descheche ne à contà l president de Inout Thomas Zulian, é stata endrezèda col sostegn di Servijes linguistics e culturèi del Comun General de Fascia, del Istitut e Museo Ladin che ge à didà a tor i contac col Kulturinstitut Lusern e de la dirigenta del Istitut scolastich de Folgaria Lavarone Luserna, Roberta Bisoffi che cognosc la realtà de Fascia ajache la é jà vegnuda desche comembra de la Comiscion per i ejames de matura.
A Luserna Fiorenzo Nicolussi Castellan ge à prejentà mingol la realtà de la mendranza, la storia e la situazion de ades.

De più su La Usc stampèda de vender ai 2 de setember.

 (Monica Cigolla)