La Usc di Ladins

L progét »Dolomiti4ll.it« l portarà nta Fodom na scomenciadiva da tazon ntra chële pervedude ntra i obietifs: empermëte a ipovedenc e orbi de »vedei« e capì coche l é fat l teritorio de le Dolomiti. L dut vignarà realizé ntel Self Tirol, bas ite nte la Cesa de la cultura Fodom che per troc agn l’é stada dourada come self per le prove de la Bánda da Fodom. Chilò vignarà alestì na sort de gran plastico che riprodujarà l teritorio de le Dolomiti a na moda che le persone con disabilité del vedei le podarà, co l toché co le mán, capì e sentì dute le peculiarité dei paesagi, de le val e de le mont patrimonio de l’umanité: le crëpe, la vegetazion, i paisc e via de sceguito. Finamei l ciaut e l freit che muda da japé a sunsom na mont. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper