La Usc di Ladins

I ulenteres dla Crëusc Blancia de Gherdëina à ntan i mënsc de merz y auril fat de ndut 297 ëura de ulentariat tla Cësa de Paussa a Urtijëi.
N ova gran bujën de aiut te cësa de paussa te chësc tëmp de crisa per l coronavirus, n iede ajache l manciova for inò personal secudient, che pervia de cuntat o nce testà positivamënter, messova sté de zes dala strutura y chël coche savon per n tëmp de doi enes y nce deplù. I ulenteres che univa zënza te cësa de paussa a passé mpue de aurela curta sun la jënt de tëmp ne pudova ënghe no plu unì pervia dla segurëza n con’ dla sanità. Ora de nia manciòvel na strambaria de jënt. Nstësc òven pona ënghe mo persones amaledes te cësa, che n à messù despartì dai autri y n fova propi stentei.
Nsci iel sautà ite i ulenteres dla Crëusc Blancia de Gherdëina a dé na man. Furnii su aldò dla normes de segurëza, cun guant, mascra, manëces y udleies, ài pià ite y judà ulache l fova de bujën. N judova a auzé o mené un o l auter ghest dla cësa, a ti dé ite da maië a chiche ne fova nia bon da sëul, nce tla netijia dl corp ti dajòven na man ai secudienc.

De gra de cuer!

L articul ntier tla edizion di 22 de mei.

UK

FOTO: La Cësa de Paussa a Urtijëi.