La Usc di Ladins

Tla prima senteda dl Cunsëi de Chemun a Urtijëi à l ambolt Tobia Moroder fat si juramënt de lauré tl nteres dl luech y dla cumenanza.
N juebia ai 2 d'utober iel te Cësa de Chemun a Urtijëi stat la prima senteda dl Cunsëi nuef, do la veles de dan trëi enes. L ordenn dl di à udù dant l ejam dla cundizions per pudëi candidé, unì lità y de ncumpatibltà per la ncëria de ambolt y di cunselieres y si cunvalida. Da dedò iel stat l juramënt dl ambolt Tobia Moroder de lauré tl nteres dl luech y dla cumenanza.

La Jonta nueva?
Pra chësta prima senteda ne n'iel mo nia unì rujenà de coche sarà metuda adum la Jonta. "Ti proscimi dis y tla proscima enes uniràl rujenà danter la pertes dl Cunsëi per udëi co jì inant,” à detlarà l ambolt Moroder. Sëuraprò àl mo dit che l ie nchin śën per cuestions de tëmp y mpënies ntant unì rujenà cun Stefan Kasslatter dla Lega, ma mo nia cun la SVP.
Propi Lara Moroder dla SVP à ntan la senteda sotrissà la despunibltà de lauré in primis per l bën dl luech y sambën de ulëi cunlauré cun l'autra pertes dl Cunsëi, sce l ie la drëta cundizions.

Bruno Maruca

Foto: L Cunsëi de Chemun nuef de Urtijëi.