La Usc di Ladins

N vënderdi ai 12 de auril iel stat la giaurida dla mostra »Nosc Uciei« tl Tublà da Nives de Sëlva. L ie na mostra metuda a jì tres na cunlaurazion dl Tublà y la Lia Uciei Gherdëina. Da udëi iel lëures desfrënc fac cun materiai y tres mediums desfrënc che va a tuché la tematica dl ucel sibe da n pont de ududa propi mé de estetica y dla reprejentazion realistica dla natura, coche nce da n pont de ududa de critica soziela y l raport danter chisc tieres y la persones. Metù ora àl 14 artisć y artistes sibe dla valeda che da oradecà – l ie unit adalerch propi truepa jënt, belau mo deplù che scenó. N vëija l gran nteres da pert dl publich nteressà a udëi cie che l unissa ora canche la fauna dla valeda anconta l'ert.

Julia Lardschneider

L articul tla edizion de n vënderdi ai 19 de auril de La Usc di Ladins.