La Usc di Ladins

I laurs por la strada d’azes ala Val Badia vá inant. Insciö ince pro le tonel dala pert da Flaurënz, olache al é preodü en lönesc ai 20 de jená dales 15:00 la pröma esplojiun controlada. Por l’ocajiun vëgnel metü da jí na picia zerimonia de scomenciamënt di laurs: ala pert sarál l’assessur provinzial ala mobilité Daniel Alfreider, sciöche ince i ombolc da San Laurënz y dla Val Badia. Le tonel mët man dal raiun produtif Aue tl comun de San Laurënz y é indöt 990 metri lunch. Al é öna dles operes prinzipales tla cornisc di laurs por l’azes nü.  (pablo)