Ince sce i messun ciaré da sté a ciasa, n’orunse impó nia dagnora ma baié de "coronavirus", porchël baiunse n iade de munt, de crëp, de arpizada, chi crëp che tröc se conforta canche ai podará indó jí. Por chësc invern messarán ciamó pazienté, mo tl dagní ará i amanc dl’arpizada söla dlacia te nüsc raiuns trëi vies nöies da porvé fora. Chëstes é gnüdes daurides iniann, ciamó denant che al gniss fora la crisa dl virus, y dötes cantes dal alpinist Simon Kehrer deboriada cun de sü compagns alpinisć y mënacrëp. Lukas Troi da St. Johann te Ahrntal l’á daidé da daurí na via sön Mür dl Pisciadú y öna tla Val de Travenanzes, cun Christoph Hainz da Mühlwald él garaté na via a Lungiarü.
I un baié cun Simon Kehrer por ti damané plü avisa co che la daurida é garatada y ci livel de dificolté che aspeta. T’La Usc di Ladins di 27 de merz podarëise lí deplü, y ince ciodí che öna na via á impó ciamó zacó da fá cun le "coronavirus". Intratan ves pitunse valgünes impresciuns fotografiches. (pablo)
Dötes les fotos: (© Simon Kehrer/privat - fates dan la crisa "coronavirus")
Arpizé söla dlacia: Trëi vies spetacolares
L’alpinist Simon Kehrer á iniann daurí cun de sü compagns trëi vies nöies por chi che á ion l’arpizada söla dlacia.
Galaria retrac
- Simon Kehrer y Lukas Troi. (© Simon Kehrer/privat)
- Sön Mür dl Pisciadú. (© Simon Kehrer/privat)
- Odüda spetacolara dala via sön Pisciadú. (© Simon Kehrer/privat)
- La via daurida a Lungiarü. (© Simon Kehrer/privat)
- Le parëi dla via a Lungiarü. (© Simon Kehrer/privat)
- Bindebó de adrenalina pro la via tla Val de Travenanzes. (© Simon Kehrer/privat)
View the embedded image gallery online at:
https://www.lausc.it/valedes-ladines/val-badia/12249-arpize-soela-dlacia-trei-vies-spetacolares#sigProIdcb7691d3b8
https://www.lausc.it/valedes-ladines/val-badia/12249-arpize-soela-dlacia-trei-vies-spetacolares#sigProIdcb7691d3b8