La Usc di Ladins

Da mesanöt incá é i confins dl’Austria indó daverc ince cuntra la Talia. Les localités de munt y de mer spera do prenotaziuns y sciori, y insciö da podëi avié indó le motor usual dles ativités. Chësc podará sozede ma sce düc i sorvisc y döta la gama dl personal pó deventé indó operatifs.

Le foliet "La Usc di Ladins" á coiü adöm impresciuns de jënt y families dles valades ladines al mer. Do la findlédema cun tröpa jënt söles spones y ti paisc dl‘Adria – p.ej. – él chisc dis indó pesc y chit. Chësc pó ester bel por la jënt che sciampa dal gran tam tam, mo manco por i ustis y operadus dl setur turistich che se damana normalité y ince tres manco restriziuns por lauré cun la spëisa y cun les pratiches de bëgnester y estetica.

Liéde do deplü en vëndres tla ediziun stampada!  (Iaco Rigo)