La Usc di Ladins

Cun i 16 de jügn á indó podü daurí les ciases di parcs naturai, insciö ince la ciasa dl parch Fanes - Senes - Braies a Al Plan. Te chësc tëmp de "corona" mësson ince iló tigní ite zacotan de restriziuns, mo an avaliëia fora ince cun ativités alaleria. Lapró él chësc isté da odëi na mostra interessanta, che porta le titul "Bye bye butterfly" - na mostra che se dá jö cun le monn di paoi, y che porta n titul valgamia critich, deache les parores "bye bye" (por ladin "adio") se referësc ai paoi che vëgn tres demanco, nia ma sciöche sorts, mo ince de numer. Chësc y d’ater pón ciafé tla mostra.
Nos un baié cun le colaboradú dla Ciasa Matteo Rubatscher, che nes á dit deplü sön la mostra, nes á cunté co che an laora te chësc tëmp particolar y dij ince la süa sön le ciodí che i vijitadus é l’ann passé jüs tan zoruch.

La intervista ciafëise t’La Usc di Ladins di 7 d’agost  (pablo)