La Usc di Ladins

Al é zënzater sté un di proiec che ti á dé le plü da stumblé al’aministraziun comunala marora da denant, cun so ombolt Albert Palfrader y l’assessuria Elisabeth Frenner. I baiun dla scolina d’Al Plan, che é gnüda ressanada y ampliada, y pó sëgn definitivamënter jí en funziun. Deache i laurs jô inant cina ala fin d’otober, án te chisc pröms mëisc dl ann messü mëte les cater seziuns te frabicac desvalis: tratan che öna na seziun â bele podü ite te scolina nöia, n’án albü öna te salf dles manifestaziuns, öna te salf di jogn y öna te n local dla scora mesana. Deache al n’ê nia meso da fá la marëna (al gnô indere pité n bufé), án messü ascorté l’orar de scolina, mo chësc se mudará sëgn cun l’entrada te scolina nöia, olache al sará indó la marëna lapró. En sabeda dan otedé s’á abiné n grup de geniturs volontars y les maestres por fá le trasferimënt dales seziuns despartides te scolina nöia.

T’La Usc di Ladins di 6 de novëmber ciafëise deplü sön la scolina y i ves dijun ince co che ara se stá cun la ciasa di pici.  (pablo)