La Usc di Ladins

La costruziun de na condüta soterana nöia por la tenjiun alta danter Corvara y Laiun dess garantí indoman le sorvisc de forza eletrica por la Val Badia y Gherdëna. La trassa dess gní lungia chi 23 km.
I agn passá é les lignes dla forza eletrica gnüdes metüdes a na proa sfadiosa por les condiziuns dal tëmp estremes. Cun n program de intervënc dess chëstes desfides tl dagní gní smorjelades, á dit le presidënt dla Provinzia Arno Kompatscher en gaujiun dla presentaziun dl proiet de mascima por la motüda dla condüta nöia danter l’Alta Badia, Gherdëna y Laiun.
Le proiet dla gran condüta y dla tenjiun alta dess ince porté pro al ampliamënt "green" de Südtirol, dantadöt por la mobilité alternativa tles valades, y ince daidé pro a na garanzia implü por le raiun dl Sela canche al sará les Olimpiades Invernales dl 2026.
Cun Terna á la Provinzia bele da agn na bona colaboraziun, insciö l’assesssur provinzial Vettorato.  (Iaco Rigo)