La Usc di Ladins

La data dl 1. de ma s’avijinëia, y cun chëra ince la data dl tradizional marcé de ma a Badia, che chërda de regola adalerch n gröm de jënt. Sciöche ara ê stada l’ann passé, sarára baldi ince iniann. La Polizia Locala de Badia lascia alsavëi che le marcé de ma é gnü desdit: chësc ajache cun la ordinanza dla Provinzia nr. 20 di 23 d’aurí 2021 vëgnel al art. 11 arlungé cina ai 30 de jügn la proibiziun da tigní marciá anuai. Da chësc la dezijiun dl Ombolt da comuniché ofizialmënter la desdita.