La Usc di Ladins

Ci faziun á pa albü le turism sön l’economia de nüsc paisc, ci influsc ál pa sön l’ambiënt, sön la cultura, sön la vita soziala en general? Co sint pa la jënt dl post la "convivënza" cun i turisć y tan s’anüzera pa de strotöres turistiches desvalies che an ciafa ti paisc? Cun chëstes y d’atres domandes se dá jö n chestionar che rovará defata tles ciases di comuns da San Martin y de Mareo. Le chestionar vëgn mené fora dala Cooperativa Turistica Al Plan/San Martin, che ó aldí plü avisa ci che la jënt nen pënsa. Damané fora la jënt fej ince pert dl prozes de zertificaziun GSTC che la Cooperativa porta inant, olache an ó lascé zertifiché i dui comuns sciöche raiun turistich cun na atenziun particolara por l’ambiënt.

Deplü sön chësta iniziativa ciafëise t’La Usc di Ladins di 9 de messé