La Usc di Ladins

Ai 8 de aurí él gnü tigni la sentada generala dla Crusc Blancia dl’Alta Badia. Al ê la pröma sentada generala che é gnüda tignida en presënza, da canche al é sbroché fora la pandemia. Nia ma porchël n’él sté na sentada particolara, mo ince deache al é gnü indô lité danü le consëi dla seziun. Le consëi nü é metü adöm da Marco Ienna sciöche caposeziun nü y 7 mëmbri aconsiadus: Janpaul Clara, Lucas Piccolruaz, Tone Moling, Anna Deiaco, Elias Kantioler, Elisa Boi y Philipp Miribung. Lapró vëgnel ciamó le caposorvisc Tomas Dejaco. Marco Ienna tol ite le post de Marcus Alton, che á dé jö chësta inciaria, do 12 agn te consëi y 4 agn da caposeziun.

T’La Usc di 13 de ma ciafëise deplü sön la sentada generala, olache al é gnü porté dant zifres demorvëia y surandé bëgn 12 onoranzes