La Usc di Ladins

Vigni ann d'isté organisëia la FIS – federaziun internazionala de schi – na incuntada cun i comités de organisaziun te dötes les localités olache al é gares de Copa dl Monn de schi. A La Ila é i mëmbri dla FIS rová en mercui ai 3 d'agost y te chësta ocajiun él gnü presenté deplü mëmbri nüs al intern dla federaziun: le diretur de gara Markus Waldner, le »operational event coordinator« Emmanuel Couder, le diretur nü dles disciplines tecniches Janez Hladnik y la PR nöia dles gares di ëi Charlotte Chable, che é gnüs tuc ite dal consëi difetif, cun a ce Andy Varallo y i responsabli dles gares tl'Alta Badia. Tratan l'incuntada él gnü baié dles döes gares, i dui slaloms lerc, che é sön le program la domënia ai 18 y le lönesc ai 19 de dezëmber. Le slalom lerch sön la Gran Risa é na gara che vëgn dagnora dër aprijada, dantadöt por via dles carateristiches tecniches dla pista, cun sü 448 m de deslivel y na pendënza alüsc dl 69%. En chësc invern ne garataral nia ma les gares, mo ince manifestaziuns de cornisc, che ne â nia podü gní organisades tratan la pandemia. Do da dui agn de restriziuns saral porchël indô n program rich de devertimënt por i apascioná dl schi.   (kp)