La Usc di Ladins

Sön la strada dla Val Badia s’arjignon da fá laurs de asfaltaziun, plü avisa danter Longega y Mantëna Todëscia, tl tonel 3 y 4. Por ti cherié manco groaries ala jënt vëgn i laurs fac de nöt, olache la strada da Longega fora gnará spo ince stlüta daldöt al trafich.
La stlüta é dala domënia ai 21 d’aurí cina al mercui ai 24 d’aurí, dagnora dales 20:00 cina ales 6 da doman. Le trafich vëgn delot tres le Ju de Furcia.