La Usc di Ladins

I scolars dla 4. y 5. classa dla scora elementara da La Val é gnüs inviá a tó pert al concurs "Aventöra artejanat", metü a jí dala lia di artejans APA dla Val de Puster. La iuria cun a ce Irina Tavella á cernü fora danter i laurs presentá la proposta dla 4. classa dla scora da La Val sciöche laur plü creatif y original; al secundo post s’á plazé la scora da Antholz y al 3. post la 5. classa da La Val.
Le fin dl concurs ê naota chël de ti presenté i mistiers ai scolars y spo pro le concurs dê i mituns ester atifs y presenté ci che i afascinëia de chësc monn. Pro le concurs á i scolars capí che nos düc adorun i artejans canche i frabicun y che l’artejanat nes dá ince tröpes ligrëzes y sodesfaziuns. I scolars á podü lauré cun gran creativité y manualité por arjunje le fin. Pro le proiet é i scolars gnüs acompagná da Daniela Irsara y Rudi Moling.

Deplü sön les ativités interessantes dla scora da La Val, ciafëise t’La Usc di Ladins di 14 de jügn